ශ්‍රී ලංකාවේ නැගෙනහිර පළාතේ අම්පාර දිස්ත්‍රීක්කයේ අම්පාර අධ්‍යාපන කලාපයට අයත් අම්/ පරගහකැලේ මහා විද්‍යාලය 1927 තරම් අතීතයකදී ආරම්භ වූ ඉපැරණි පාසලක් ලෙස හදුන්වා දෙමි.

ගෙවුණු කාල පරාසය තුළදී උගතුන් ලෙස බුද්ධිමත් ප්‍රජාවක් රටට දායාද කල මෙම විද්‍යාලය විශ්ව විද්‍යාල අධ්‍යාපනය සදහා යොමු කල ශිෂ්‍ය ශිෂ්‍යාවන්  බොහෝමයක් දෙනාගේ ද රාජ්‍ය සේවයේ නියුතු බොහෝ දෙනාගේ ද අධ්‍යාපනයේ මහගෙදර විය.

වර්තමාන අධ්‍යාපන ක්‍රියාවලිය තුළ අධ්‍යාපන විෂය ධාරාව තාක්ෂණික යුගයකට පරිවර්තනය වෙමින් පවතී. විෂයමාලා නවීකරණය වීමත්,  තොරතුරු තාක්ෂණය විෂයමාලාව පාසල් අධ්‍යාපනයට ඇතුළත් වීමත්,  ඩිජිටල් තාක්ෂණය හරහා අධ්‍යාපනය හැදැරීමටත් අවස්ථාව සැළසීම හමුවේ අප පාසලේ දරුවන්ද තොරතුරු තාක්ෂණ විෂය තෝරාගනු ලැබුවේ දැඩි අපේක්ෂාවකිනි. ඒ හරහා අධ්‍යාපනයේ නව ප්‍රවණතා ජීවිතයට සම්බන්ධ කර ගැනීමේ අරමුණ සමගය.

වර්තමානය වන විට අධ්‍යාපන කලාපය හරහා දියත් වන වෙබ් අඩවි නිර්මාණය එහි වටිනා සංධිස්ථානයකි.

මෙම වෙබ් අඩවිය නිර්මාණය වීම නිසා අම්/පරගහකැලේ විද්‍යාලය දෙස් විදෙස් ලාංකික ජනතාවට මෙන්ම දේශීය රාජ්‍ය හා පෞද්ගලික ආයතන වලට  ද  අප දරුවන්ගේ කුසලතා , මෙන්ම පාසල පිළිබදව දැනුවත් වීමට අවස්ථාව ලැබේ.

පාසලේ දියුණුව, මෙන්ම අවශ්‍යතා හරහා ජාත්‍යන්තර ව ලෝකය දිනා ගැනීම තුළින් අනාගත දරුවා ජයග්‍රහණ රාශියක් අත් කර ගනු අතැයි මා විශ්වාස කරමි. ඒ වෙනුවෙන් අප පරගහකැලේ දරුවන් තාක්ෂණයෙන් බලගැන්වීම සදහා කටයුතු කරමි.

           ස්තූතියි......